Köttur og barn með athyglissýki

Hef lítið annað að gera en að blogga. Dugnaður, tvö blogg á dag. Ligg hér í rúminu mínu í danaveldi með köttinn á maganum. Talvan á löppunum og klærnar á kettinu stingast inn í hálsinn á mér. Veit ekki hvað ég er búin að henda honum oft í burtu. En jæja, hann vann í þetta skiptið. Maginn minn verður kúrustaður kvöldsins. Sambúðin með kettinum hér á neðri hæðinni gengur annars vel. Finnst hann nú samt frekar ágengur og heimtar að koma með mér á klósettið og í sturtu. Svo heldur hann til á bak við klósettið mitt þegar honum leiðist. Á morgnana kemur hann brakandi (mjálmið, hann er svo gamall) á móti mér og eltir mig hvert fótspor. Líklega heldur hann stundum að hann sé hundur. Jæja, ég hef þá alltaf félagsskap, meira að segja á klósettinu. Helst af öllu vill hann sitja hjá mér, en nei takk það fær hann sko ekki!! Annars er það afar oft þannig að hann kemur einmitt þegar ég nenni ekki að hafa kött ofaná mér. Svo þegar mig vantar eitthvað að gera eða kæri mig um að hafa kattarhár á fötunum mínum vill hann svo kannski ekkert með mig hafa. Skrítinn þessi danski köttur.

Er búin að setja nýjar myndir á myndasíðuna. Kannski ekkert mjög fjölbreyttar en myndir þrátt fyrir það. Hélt ég myndi bilast þegar ég var að þessu. Það þarf jú afar mikla þolinmæði til þess að setja þetta inn svo ég mátti hafa mig alla við til þess að nenna að bíða eftir þessu.

Annars hef ég bara verið heima í dag og ekki farið lengra en út með barnavagninn sem stendur alltaf rétt fyrir utan dyrnar. Leiðindar veður svo ég nennti ekki að labba neitt. Hef bara verið að tölvast í dag auk þess sem Erik var í sínu besta leidinarskapi í dag og grenjaði ef maður lét hann niður eða veitti honum ekki 100% athyggli. Leifa og Lilja komu svo í heimsókn til að hressa upp á daginn. Annars bara lítið að frétta. Hef sagt skilið við eldamennskuna aftur eftir að Henrik kom heim. Sagði ég ykkur að ég tók yfir í eldhúsinu og eldaði nokkur kvöld í röð og alltaf var maturinn til þegar Benedicta kom heim. Dugnaðurinn alveg að fara með mig held ég stundum. Eða var það bara löngunin í góðan mat?? ja það er spurning.

Ungfrú Evrópa er á morgun í Úkraínu. Hlakka til að vita hvernig það fer. Hef verið að skoða þetta aðeins og held að Ásdís Svava eigi nú kannski góða möguleika. Fannst hún allavega svaka fín og sæt á öllum myndunum þarna. En ætli ég þreyti ykkur nokkuð á þessu furðulega áhugamáli mínu núna..... getið tékkað á www.misseurop.com.ua ef ykkur langar að vita meira ;)

Valborg og kötturinn kveðja úr kalda herberginu á neðri hæðinni.