Mánudagur og allt á fullu

Mánudagsmorgun og þvotturinn bíður eins og venjulega. Strauþvotturinn sem bíður í risastórum haug í þvottahúsinu. Er ekki að nenna að byrja á þessu. Hef þó langt frá því setið aðgerðarlaus í morgun. Hér mátti ryksuga, fara í búðina, baka súkkulaðikökur, setja krem á herlegheitin, vera með barnið sem er ofurþreytt eftir helgina. Hann er yfirleitt alveg ómögulegur á mánudögum og svefninn hans allur í rugli. Líklega vegna þess að hann sefur miklu meira hjá mér en þeim og alltaf á sama tíma. Nú hafði hann augljóslega ekki sofið nema pínku pons daginn áður. Nú er hann þó loksins sofnaður og að komast aftur í virka daga rútínuna hjá skipulögðu au-pair stelpunni.

Gærdagurinn var fínn. Fór með stelpunum til Struer því það var sunnudagsopnun í búðunum. Vorum því duglegar í þessum fáu búðum en versluðum eitthvað lítið. Kom þó heim með eina svarta peysu og nokkur blöð sem kannski verður föndrað úr. Keypti þau aðalega því mér fannst þau svo flott á litinn. Annars bara heimsókn til Ásdísar og þeirra í Struer áður en við keyrðum heim aftur.

Hér rignir og rignir, orðið ótrúlega kalt og svo komið að ég verð að byðja mömmu um að senda mér bæði úlpuna og snjóbuxurnar. Auk þess sem það væri gaman að fá íslenska vanilludropa með í pakkanum. Eitthvað sem ég sakna mikið þegar ég er að baka. Fyrirbæri sem ekki finnst í Lemig.

Eldhúsið er allt í klessu eftir að ég var að sulla við baksturinn, líklega best að halda áfram og svo tekur þvotturinn við. Svo lengi sem krakkinn sefur.

Hafið það gott heima í snjónum..... kveðja Valborg kökugerðarmeistari og þvottadrusla.