Stelpuferð til Holstebro

Dagarnir líða og á morgun hef ég verið hér í mánuð. Finnst það skrítið núna, þessi vika var alltof fljót að líða.

Föstudagurinn fór í að fínisera heimilið. Ég náði takmarkinu.... er orðin snillingur. Ryksugaði, skúriði og tók baðherbergin allt fyrir kl 2 auk þess að fara í apótekið með Erik. Henrik var reyndar svo frábær að taka krakkann smá stund og fara með hann út að labba þar sem hann var sko í sínu mesta stuði og vildi sko alls ekkert vera eitthvað einn á gólfinu að leika sér.

Helgarfríið tók við og í gær settist ég að hjá Leifu. Keyrði nokkrar ferðir í búðina auk þess að skutla Lilju til og frá Lemvig. Gaman að því ;) Leifa bakaði pitsu handa okkur í gærkvöldi og svo kom Lilja og þá var borðaður ís og snakk með heitri sósu sem Lilja mallaði. Hér í Lemvig opnar maður hurðina, gengur inn og kallar halló. Ekki bara au-pair stelpurnar heima hjá hvor annarri heldur gerir pósturinn þetta líka. Fyndið.

Nú liggur leiðin til Holstebro með stelpunum. Stelpudagur út í gegn og engir litlir strákar með aldrei þessu vant. Ætlum að kíkka í nokkrar búðir, fara út að borða og svo í bíó í Stuer.

Er að vinna í því að búa til myndasíðu.... þið fáið meira en nóg að skoða þegar hún verður tilbúin :) Á myndinni eru Erik og Oxí.... ekkert smá sætir þarna!!

Skvísan ykkar kveður í bili..... Valborg Rut sem var rétt í þessu að fá útborgað :) frábært.... átti nefnilega engan pening!!