Stolt

Ég er afar stolt af nöglunum mínum. Eftir margar tilraunir til þess að hætta að naga neglurnar og margra ára ábendingar frá mömmu um hvað neglurnar mínar séu ógeðslegar og hæfi ekki svona fínni stúlku eins nagaðar og þær hafa alltaf verið. Ég gafst ekki upp á að reyna að hætta að naga neglurnar. Ég er viss um að þetta er eins og að hætta að reykja. Enda fíkn að vissu leiti. En nú eru 90 % af nöglunum mínum afar fínar og flottar, lakkaðar og ónagaðar. Aðeins 1 nögl eða 10% er enn að ná sér eftir síðasta kastið mitt. Vonandi verða þau ekki mikið fleiri. Um jólin verð ég því loksins með flottar neglur á Íslandi :)

Löng helgi framundan, föstudagur, laugardagur og sunnudagur í frí. Afskaplega verður það gott. Nema hvað að það er ekki bara nóg að gefa manni frí heldur verður maður líka að finna eitthvað að gera. Enginn bíll svo líklega verð ég að láta mér nægja að hjóla eða nota strætó til annarra bæja. Ég sit og borða íslenskt nammi. Þristar sem Lilja kom með frá Íslandi um daginn þegar hún var búin í fríi þar með fjölskyldunni sinni. Ótrúlega er þetta gott!! Nammið okkar er alveg ábyggilega það besta í heiminum. Ég súkkulaði manneskjan sjálf hef ekki fundið neitt spennandi súkkulaði hérna. Eða jú en þá bara það sem er til heima líka. Annars er ég að reyna að hætta að borða svona mikið nammi og þá allavega í aðalrétt í kvöldmatinn.

Annars hef ég ákveðið að fjárfesta í hlaupaskóm. Þó einhverju sem má nota bæði inni og úti þar sem ég hef ákveðið að takast á við líkamsræktarstöðvafóbíuna og kíka í ræktina hérna ef það kostar ekki morðfjár. Á eftir að tékka á því. Svona á til að gerast þegar maður flytur til annars lands. Þess má í lokin geta að ég hef þyngst um einhver 7 kíló á þessum bráðum tveimur mánuðum sem ég hef verið hérna. Ji minn einasti ef ég fengi nú 3 kíló á mánuði.... já nei takk!! Annars er þetta aðalega til þess að hafa eitthvað að gera á kvöldin þessi líkamsrækt. Víst hafa jú allir gott af smá hreyfingu ;)

Er að reyna að setja myndir inn á myndasíðuna en það gengur eitthvað illa... vonandi tekst það fljótlega... allavega áður en þolinmæði mín er á þrotum....

Kveð í bili úr roki og rigningu....... Valborg Rut