Tæknivædd??
Aðrir eins þvílíkt tæknivæddir hlutir hafa nú varla gerst í mínum tölvuheimi. Haldiði ekki að mér hafi tekist að ná mér skype og allt ;) úff hvað maður er orðinn klár. Svo núna get ég talað frítt! Jess ekkert smá æðislegt, af hverju fattaði ég þetta ekki fyrr? Ja það er spurning. Talaði við Helgu í næstum klukkutíma í gær, vorum búnar að reyna þvílíkt að láta þetta virka með msnið á fullu og loks þegar við gátum komið þessu í lag og gátum báðar hyert og talað höfðum við næstum ekkert að segja lengur. Hehe. Nú væri því sniðugt fyrir fjölskylduna mína heima að fjárfesta í einni tölvu eða svo til að geta orðið ögn tæknilegri ;)
Annars er búið að ryka herbergið mitt allt út og bora í vegginn og svona því nýji viðarofninn er kominn í hús ;) Þvílíkt búið að snúa öllu við út af mér hérna, hehe. Það lýtur út fyrir að ég verði orðin ansi dýr í rekstri þegar allt er orðið klárt!
En talvan straumlaus.... meira seinna!
Annars er búið að ryka herbergið mitt allt út og bora í vegginn og svona því nýji viðarofninn er kominn í hús ;) Þvílíkt búið að snúa öllu við út af mér hérna, hehe. Það lýtur út fyrir að ég verði orðin ansi dýr í rekstri þegar allt er orðið klárt!
En talvan straumlaus.... meira seinna!
posted by Valborg Rut at
3:00 f.h.
5 Comments:
Hæ,
Eg er farin að halda að fólkið þurfi að auka við sig vinnu til að halda þer uppi, þvílíkt dekur. Þetta er greinilega frábært fólk. Ená ekkert að fara drífa sig aftur í reiðtúr? eða þarftu að vinna fyrir öllu dekrinu sem þú færð he,he ;)
Geggjað göngutúraveður á Akureyri- 5 stiga frost, sól og logn, getur varla verið betra. Sveinn Arnar er á Akureyri og Kammerkórinn hans er með tónleika í kirkjunni í dag, kemst ekki því eg e að fara á kvöldvakt.
Kveðja úr góða veðrinu
Stebba
By
Nafnlaus, at 4:02 f.h.
Heyrðu jú ég dreif mig einmitt í svaka reiðtúr í dag með Agnesi ;) Frostið að minnka, -4 í dag en aðeins kaldara núna.
Það hefði nú verið gaman að fara á þessa tónleika og hitta Arnar, rifja upp hvernig fólk lýtur nú út sem á heima svona langt í burtu... ;)
By
Nafnlaus, at 10:33 f.h.
Hæ,hæ Stebba stalst nú úr vinnunni og fór á sönginn hjá kórnum hjá Sveini Arnari, fallegur söngur eins og var að vænta hjá honum en alltof fátt fólk að hlusta.Haukur kenndi mer að komast fram hjá þessum miðum sem komu alltaf á ensku á tölvuna hjá mér svo að ég gat ekki bloggað er ekki eins tæknivædd og þú. Það er yndislegt veður núna 1°frost og stillt.
Ég þarf að fara að baka en nenni því ekki verð samt en verð að gera það.Það er bara mamma þín sem fór á fætur eldsnemma í morgun að baka snúða og horn sem hún ætlar með inn á skautasvell með Agnari en bekkurinn hans ætlar á skauta og mömmurnar nesta hópinn.Nú er hún í
kirkjunni að skammta súpu og brauð með Stebbu. Jæja best að byrja á gulrótarkökunni,hrædd um að einhver fussi og vilji ekki svona hollnustu.Kveðja frá afa. Líði þér vel Knús frá ömmu.
By
Nafnlaus, at 3:09 f.h.
Hæ hó....já bara frábær dagur hér hjá mér. Vaknað 7.30 til að byrja að baka helling af gersnúðum. Þegar það var búið var kl. 10.30 og þá bar bara að drífa sig í kirkjuna okkar til að sjá um súpum máltíðina. Þegar við Stebba vorum búnar þar fórum við í Hagkaup og keyptum okkur maskara því þar var tax free afsláttur af snyrtivörum og þar sem við erum svo miklar gellur og mikið málaðar dags daglega fjárfestum við í þessu ;)
Þá var næst á flýta sér á skauta með Agnari. Við vorum þrjár sem ákváðum að sjá um veitingar fyrir alla sem komu með bekknum þ.e.a.s. fyrir krakkana, foreldra og systkini ...ekkert smá duglegar !!
Þá var bara eftir að keyra pabba í vinnuna og koma við hjá ömmu og Helgu. Fékk góðar kökur hjá ömmu og sá mjög svo tómlegt baðherbergi hjá Helgu. En pabbi þinn, afi og Siggi voru að brasa þar í dag. Hentu t.d. baðkerinu út. En nú er ég heima í smá stund.....en ætla mér að fara í kvöldmessuna á eftir. Stúlknakórinn er að syngja og það á afrísku held ég eitthvað. Í dag hitti ég líka Ortwin, mannstu sem við hittum í Þýskalandi árið 2002. Já, já ég spjallaði við hann og hann spurði hvar þú værir. Sagði honum alla þína sögu og að nú værir þú í norskum gospel kór og það fannst honum auðvitað frábært ;) !! Hann var að segja mér að kannski á næsta ári komi hann með kór að utan að því tilefni að kirkjan þeirra er 1000 ára....og ætla þau í ferðalag.
Jæja, eins og þú sérð er búið að vera nóg að gera hjá mér í dag og nú er komið að því að gefa litlu bræðrum þínum eitthvað að borða.
Gaman að heyra að þú hafir farið í reiðtúr með Agnesi. Þau stjana við þig ...
Hafðu það sem best, heyrumst fljótlega....þó ekki í "skype" ;)
Kveðja mamma.
By
Nafnlaus, at 10:57 f.h.
Frábært að fá bara heila bloggfærslu um daginn heima :) Hehe finnst nú alveg ótrúelgt að Ortwin muni ennþá eftir okkur, hvað þá mér, hehe. En ég hitti hann í fyrra, þá var hann líka með einhvern hóp hérna. Hann hlýtur nú að farað tala íslensku, hann er búinn að koma svo oft til landsins. Á hvaða máli talaðiru eiginlega við hann? Ensku, þýsku eða íslensku?? hehe.
Hefði nú verið gaman að kíkja í messu með kórgellunum en það býður betri tíma!
Ég er farin að hlakka til að sjá þetta umtalaða baðherbergi með sturtunni í fataskápnum... ;)
By
Nafnlaus, at 11:32 f.h.
Skrifa ummæli
<< Home